د الحاد پيدايښت

 د الحاد پیدایښت:

     الحاد په څو دورو باندي ویشل سوی دی.

     لومړۍ دوره یا طبقه

     د اسلام څخه مخکي د جاهلیت په وخت کي ځیني داسي کسان وو چي په زمانه او طبیعت کي یې اعتقاد لرلو چي قران کریم ورته دهرین ویلي دي، الله سبحانه و تعالی فرمایي:

     وَقَالُوا مَا هِىَ إِلَّا حَيَاتُنَا الدُّنْيَا نَمُوتُ وَنَحْيَا وَمَا يُهْلِكُنَآ إِلَّا الدَّهْرُ ۚ وَمَا لَهُم بِذٰلِكَ مِنْ عِلْمٍ ۖ إِنْ هُمْ إِلَّا يَظُنُّونَ

(سُوۡرَةُ الجَاثیَة : 24)

     ژباړه: او هغوی وایي چي ژوند همدغه د دنیا ژوند دی چي همدلته مړه کیږو او پیدا کیږو او زمانه ده چي موږ هلاکوي، په دې برخه کي هیڅ پوهه او علم ورسره نسته، بس د اټکل له مخي هر څه وایي.

     یعني:

     په نړۍ کي هیڅ څوک د یو مافوق قوت څخه انکار نه سي کولای خو ددغه مافوق قوت او قدرت په پېژندلو کي خطا سوي دي او د شیطان پیروي یې کړې ده چي چا طبیعت ګڼلی، چا لمر یا اور او چا بل څه او د خپل حقیقي مافوق قدرت رب العالمین څخه یې د جهل، ګمان یا عناد له مخي انکار کړی دی.

د دعوت اصول او معاصر وسائل ص۹۵.

ريحان محمدي