ايا ښځه عصري تعليم حاصلولې شي؟
ايا ښځه عصري تعليم حاصلولې شي؟
سوال: زه په پوهنتون کي محصله یم، غواړم طب ووایم، او د خپل اولس د خویندو خدمت وکړم، په شریعت کی د دې حکم څه دئ؟
ځواب: عبدالغفار جُبیر
اسلام پر نر او پر ښځه باندي د تعیلم لاره پرانستې ده، که چیري تاسي د اسلام د اصولو او حدودو مراعت وکړۍ داسي تعلیم وکړئ چي د اسلامي امت د ښځو لپاره ګټور وي په دې کي هیڅ حرج نسته، په ځانګړي ډول سره طب چي نن سبا ډېر اړین او ضروري دئ، کله چي ښځه ناروغه سي نو تر نر ډاکتر یې و ښځې ډاکترې ته ورتګ ضروري دئ، کله د ښځې سخته ناروغې وي چي نر ډاکتر ته ورسي هلته بې ستره وي، چي تر نر ډاکتر که و ښځې ډاکترې ته بې ستره وي نو ګناه یې لږ ده، او کله د ښځینه ناروغانو ورتګ و نر ډاکتر ته ناوړه عواقب هم لري.
د کومو شرعي حدودو مراعات به کوئ؟
۱: بې ستري، بې پردګي به نه کوئ.
۲: د غیر محرم سره به تنها خلوت نه کوئ.
۳: له فتنو څخه به ځان ژغورئ.
۴: داسي تعلیم به نه زده کوئ چي هغه په شریعت کي حرام دئ، لکه رقص، موسیقي، جادو او نور...
۵: داسي تعلیم به نه زده کوئ چي د ښځې له فطري شریعت سره سمون نه خوري.
۶: د تعیلم د حاصلو په هکله به د ولي څخه اجازه اخلئ، د واده (نکاح) څخه مخکي د پلار بې اجازې کوم کار مه کوئ او د واده (نکاح) وروسته د خاوند بې له اجازې کوم کار مه کوئ.
۷: تعلیم په داسي پوهنتون کي مه حاصلوئ چي هلته مخلوط تعلیم (Co- Education) وي، باید نر بېل او ښځې بېلې وي.
۸: علاوه د عصري علومو څخه تر ټولو مخکي تاسي په اسلامي علومو ځان سمبال کړئ، دا ځکه چي دیني تعلیم هر انسان له فتنو او د شیطان د جالو څخه ژغوري.
(کتاب الفتاوی ټوک ۱، پاڼه: ۵۲۳/ لیکوال: مولانا خالد سیف الله رحمانی- هندوستان، انوار الباري اردو شرح صحیح البخاري ټوک: ۵، پاڼه: ۱۳۳/ لیکوال: امام العصر علامه سید محمد انور شاه کشمیری رحمة الله علیه ، حقانیه ټوک: ۲، پاڼه: ۱۱۷)
0 Response to "ايا ښځه عصري تعليم حاصلولې شي؟"
Post a Comment
السلام عليکم ورحمة الله وبرکاته ملګرو که تاسو هم خپلې ليکنې پدې سايټ کې نشرول غواړئ نو ما ته یې پدی ايمل را اوليږئ مننه: salemfo.online@gmail.com