الله ته د رسېدلو لار

الله ته د رسېدلو لار

له حسن الجوزجاني رحمه الله څخه پوښتنه وشوه، ویل: الله ته د رسېدلو لار څنګه وي؟

الجوزجاني رحمه الله ویل: ډېره روښانه او له شبهې څخه لېري لار ده

او هغه لار ده چي؛

- قولاً

- عملاً

- عزماً

- عقداً

- او نیتاً

د رسول الله ﷺ د سنت تابع وي، ځکه چي الله فرمایي:

 ۖ وَإِن تُطِيعُوهُ تَهْتَدُوا ۚ [سُوۡرَةُ النُّور : 54]

ژباړه: كه د هغه (ﷺ) اطاعت وکړئ، نو په خپله به سمه لاره ومومئ.

بیا یې ورته وویل: د رسول الله ﷺ سنت ته د رسېدلو لار څنګه ده؟

الجوزجاني رحمه الله ویل:

- له بدعت څخه ځان ساتل او د هغه څه پیروي کول پر کوم څه چي د اسلام د لومړۍ پېړۍ علماء راټول/متفق شوي دي

- د علم الکلام والا له مجلسونو څخه لېري اوسېدل

- او د رسول الله ﷺ د ابراهیمي کړنلاري اقتداء کول. 

او دا هغه څه دي چي رسول الله ﷺ د الله د دغه قول په اساس موږ پرې امر کړي یو، الله فرمایي:

ثُمَّ أَوْحَيْنَآ إِلَيْكَ أَنِ اتَّبِعْ مِلَّةَ إِبْرٰهِيمَ حَنِيفًا ۖ وَمَا كَانَ مِنَ الْمُشْرِكِينَ [سُوۡرَةُ النّحل : 123].

ژباړه: بيا موږ تا ته دغه وحيي درولیږله، چي يوه لوري ته په مخ اړولو، د ابراهيم (علیه السلام) پر کړنلاره لاړ شه او هغه له مشركانو څخه نه ؤ.

[الاعتصام للشاطبي - (1/62)].

غلام عمرعبدالله