شاعر سپين کوچی: افغانستان په هکله جالب شعر

 افغانستان...

په سرو سترګو رنځور افغانستان راته ویل

نا دودې دي، جنګونه دي، فساد دی؛ او زۀ یم

نو خپل بچي مې ولې پۀ سرو سترګو ژړوي ؟!

ټول عمر پۀ ما دغه انتقاد دی؛ او زۀ یم

پر مخ یې راشیندلي راته خاورې او خځلې

را لوتی چې له هرې خوا نه باد دی؛ او زۀ یم

راکړی راته رب جمال او حُسن، خو ساده یم

پۀ دې د ډېرو رخه او عناد دی؛ او زۀ یم

نه،نه چې بد ګمانه ګوره پام راباندې نۀ شي

نه،نه ګوره بل څوک نشته ، ستا یاد دی؛ او زۀ یم

بل ځای کې یې له بل چا سره ځکه زړۀ تنګیږي

کوچي باندې خو ګران جلال آباد دی؛ او زۀ یم

ــــــ

بیا ځلې

د امن پۀ هیله...

سپين کوچی